‘Super politikan’, Meta: I propozova një emër Berishës për ‘Parlamentin e Tiranës’

Kryetari i Partisë së Lirisë, Ilir Meta ka folur pas takimit që pati me kryedemokratin Sali Berisha në selinë blu.

Meta u shpreh se i ka propozuar një emër Berishës për kryetar të Këshillit Bashkiak të Tiranës, për zgjedhjet e ardhshme vendore.

Ai nënvizoi se Berisha e mirëpriti propozimin e tij, ndonëse nuk e bëri publik emrin.

“Nuk kam pasur asnjë diskutim për emrin që do të jetë në Tiranë dhe kudo tjetër, për arsye se ky është një proces që i takon primareve dhe do respektojmë çdo emër që del nga primaret. Por i kam propozuar një emër zotit Berisha, për kryetar të Parlamentit të Tiranës, të cilin ai e priti me shumë kënaqësi.

Të jini të sigurt, Parlamenti i ardhshëm i Tiranës do të jetë institucioni më i rëndësishëm deri në Parlamentin e ri të Shqipërisë. Do e merrni vesh shumë shpejt. Është super politikan”, theksoi ai.

LEXONI GJITHASHTU

• “Referendum dhe primare”, Meta flet pas takimit me Berishën
• Ilir Meta në selinë e PD-së, takim me Sali Berishën