Shpëtim Nazarko: Emri i ish-ministrit të Berishës me dosje

Analisti Shpëtim Nazarko ka fajësuar klasën politike dhe kryetarët e tre partive kryesore në vend, Edi Ramë, Sali Berishë dhe Ilir Metë në lidhje me hapjen e dosjeve.

Në emisionin “Now” në Euronews Albania, Nazarko u shpreh se Berisha ka vendosur në krye të ministrisë së Ekonomisë kur ishte në qeveri, Genc Rulin, i cili aludohet se ka qenë bashkëpunëtor i Sigurimit të Shtetit.

Sipas tij, është diçka kriminale të vendosësh në poste publike, përfshirë edhe atë të presidentit, njerëz që kanë qenë bashkëpunëtorë të Sigurimit.

“Kanë vënë në krye të shtetit një ministër të Ekonomisë, sot po aludohet për Genc Rulin. Çfarë ka bërë Sali Berisha? Ka vënë një ministër të Ekonomisë, që është i shantazhueshëm nga ai tjetri që nuk ka interesat që kam unë për Shqipërinë. Ky nuk është ligj për mua, por mua më intereson kjo gjë. Kush i lejon këta që kanë drejtuar Shqipërinë që të veprojnë më keq se Enver Hoxha?

Këto nuk kanë kuptuar sistemin e Enver Hoxhës. Në një sistem të hapur, e di çfarë do të thotë të kesh një njeri me njolla të këtij lloji, që mund të jetë ministër Financash, kryeministër, president. Për këtë arsye duhet të zhdukesh nga politika”, theksoi ai.

LEXONI GJITHASHTU

• Vëllai i Vilson Blloshmit tregon momentin e hapjes së dosjes
• Agron Tufa flet me emra: Zyrtarët e diktaturës që morën kolltukë pushteti
• Dosja e Ahmet Zogut në komunizëm, studiuesi zbërthen detajet