Realizohet ndërhyrja e vështirë në spitalin e Fierit, Koçiu: Mirënjohje stafit

Ministrja e Shëndetësisë dhe Mbrojtjes Sociale, Albana Koçiu bëri me dije përmes një njoftimi në Facebook se në spitalin rajonal Memorial të Fierit është realizuar një ndërhyrje të nivelit të lartë kirurgjikal.

Bëhet fjalë për heqjen e Karcinomës Gastrike – Ca Gastrit tek një pacient 49-vjeç, i cili u diagnostikua gjatë procedurës së Endoskopisë me kancer të stomakut.

Sipas Koçiut pacienti është rikuperuar dhe është në gjendje të mirë shëndetësore.

“Operacioni i suksesshëm u krye nga ekipi turko – shqiptar, Dr. Alti Haxhiu, Dr. Altin Ngjeci, Dr. Anestezist Andi Gjini dhe infermieret Ina Shahu, Zejnep Aydin. Mirënjohje për përkushtimin dhe punën e stafit të këtij spitali, i cili ofron shërbime me standard dhe cilësi për të gjithë qytetarët në jug të vendit,” – shkroi Koçiu.