Muzeumet e Gjirokastrës tërheqin rreth 60 mijë vizitorë gjatë këtij viti

Përgjatë këtij viti rreth 60 mijë turistë vendas dhe të kanë vizituar muzetë e qytetit të gurtë të Gjirokastrës.

Muzeumet vlerësohen si elementë të rëndësishëm për zhvillimin e turizmit në qytetin e Gjirokastrës. Përgjatë këtij viti Muzeu i Armëve,Etnografik, Muzeu Kadare, etj kanë tërhequr një numër në rritje vizitorësh vendas dhe te huaj. Sipas statistikave janë rreth 60 mijë turistë ose 20% më shumë se viti i kaluar të cilët kanë vizituar muzetë e qytetit të gurtë. Shprehte Ervina Saliaj përgjegjëse e muzeve.

“Muzeumet e Gjirokastrës luajnë rolin kryesor përsa i përket turizmit,janë ndër pikat më të vizituara në qytet, ato mbartin trashëgiminë kulturore dhe historike,gjithë turistët janë të interesuar për këtë gjë. Numrin e vizitorëve e kemi patur goxha të lartë  krahasuar me vitin e kaluar  jemi me rreth 56 mijë vizitorë,ata kanë qenë të kombësive të ndryshme”.

Muzeu memorial dedikuar disidentes Musine Kokalari ngelet një ndër pikat më të preferuara për turistët që vizitojnë qytetin e gurtë. Në mjediset e tij nëpërmjet relikeve, dokumentave dhe materialeve arkivore vizitorët marrin informacion për jetën dhe aktivitetin e Musine Kokalarit.

 “Unë vërtet kam ndjerë një kënaqësi shumë të madhe kur ky muze,ky memorial ose kjo hapësirë kushtuar Musine Kokalarit u bë e mundur  të jetë e vizitueshme nga njerëzit ku ata  mund ta njohin dhe ta prekin nga afër  historinë e Musinesë dhe njeriun Musine po ashtu edhe personalitetin e jashtëzakonshëm  që ajo ishte” –shprehet Arjeta Kokalari, koordinatore.

 Turistët që vizitojnë muzeumet në Gjirokastër janë nga qytete të ndryshme të vendit por edhe shtete si Gjermania, Italia, Greqia, Shtetet e Bashkuara të Amerikës, etj duke  u njohur me historinë dhe traditat e qytetit të gurtë.