Ronaldo hyn në histori, futbollisti i parë që bëhet miliarder

Sulmuesi i Al-Nassr dhe i Kombëtares Portugeze, Cristiano Ronaldo, ka kaluar pasurinë neto prej 1.4 miliardë dollarësh, sipas Bloomberg Billionaires Index.

Në qershor, 40-vjeçari firmosi një kontratë të re me klubin saudit, me vlerë mbi 400 milionë dollarë. Nga viti 2002 deri në 2023, ai ka fituar mbi 550 milionë dollarë vetëm nga futbolli.

Ronaldo ka gjithashtu një marrëveshje 10-vjeçare me Nike, që i sjell rreth 18 milionë dollarë në vit, si dhe partneritete me marka si Armani dhe Castrol, të cilat i kanë shtuar mbi 175 milionë dollarë pasurisë së tij.

Kalimi i tij te Al-Nassr në vitin 2023 i siguroi rreth 200 milionë dollarë në vit (pa taksa), përfshirë bonuset dhe përfitimet, ndër të cilat edhe një bonus firmosjeje prej 30 milionë dollarësh.

LEXONI GJITHASHTU:

• Kush është shteti me më shumë miliarderë në Evropë dhe ku pozicionohet Shqipëria
• Georgina Rodriguez i thotë “Po” propozimit të Cristiano Ronaldos për martesë