Lita kundështon Alibeajn: Shqiptarët bëjnë pazar për votë

Në emisionin “Review” të mbrëmjes së djeshme me moderatore Greta Topjana, u diskutua për situatën politike në vend, më në fokus tek Bashkia e Tiranës.

Mes diskutimeve, gazetari Lavdrim Lita ka kundërshtuar Enkelejd Alibeaj me arsyetimin se ky i fundit nuk e njeh si duhet realitetin antropologjik të shqiptarëve, që sipas gazetarit Lita, kjo është edhe njohja e vërtetë e politikës.

“Ke një problem me njohjen antropologjike të shqiptarëve sepse shqiptarët shiten, blihen, janë me pazare, votojnë njerëz të papërshtatshëm, njerëz që meren me krimin. Mos më kërko dëshirat e tua ti kthesh në politikë, politika nuk është me dëshira. Politika është të njohësh në mënyrë antropoloigjike votuesin dhe qytetarët shqiptarë. Shqiptarët bëjnë pazar edhe te kilja e fasules me tregtarin.

Mos u bëj njerëzve filozofi. Duhet ta shtrosh retorikën që të marrësh sa më shumë vota. Sali Berisha i ruan votat e veta”, tha Lita.

Alibeaj reagoi mbi nevojën për rebelizëm nga qytetarët.

“Ka edhe nga ata që shiten, ka edhe nga ata që kanë frikë, ose nga ata të cilët ulin kokën. Unë nuk dua sot të jetoj në një vend në të cilin nuk ka as moral as rebelizëm brenda vetes, edhe pse janë më shumicë brenda grupimeve politike”, tha Alibeaj.

LEXONI GJITHASHTU:

• Emërohet në krye të AMP-së Eduart Merkaj
• Shpërthim me lëndë plasëse në një servis makinash në Fushë-Krujë