“Më çuan në thertore”, Flutura Açka: Si komunizmi më ndaloi pasionin për letërsinë

Në këtë episod të “PROFIL” me gazetaren Greta Topjana, sjellim historinë e shkrimtares dhe politikanes Flutura Açka, një gruaje që e filloi karrierën larg pasionit të saj për letërsinë.

Ky është një rrëfim pa filtra, i veshur me shumë emocione, ndërsa ajo tregon sesi në komunizëm i imponuan studimet dhe punën larg pasionit të saj për letërsinë, ku përfundoi e emëruar si ekonomiste në thertore.

“Ne vitin 1988 u emërova ekonomiste e thertores. Isha në mes të një kasaphane ku derrave u gjuhej me çekan, ku lopëve u futeshin thika të gjata, ku pulat therreshin dhe futeshin në valë. Në njëfarë mënyre, diktatura u perceptua ashtu në ato vite në atë thertore. Më vonë, ky perceptim më ndihmoi të formuloja dhe të ngrija plotësisht romanin ‘Ku je?’, që flet për atë që kam parë unë në vitet ‘80 gjatë fëmijërisë dhe rinisë sime. Kur më emëruan në thertore, unë nuk dija asgjë. Isha një vajzë me shumë ëndrra, lexoja dhe përkthja klasiket italiane. Ishte një kohë përzierjesh të mëdha, ëndërroja të bëhesha gazetare dhe redaktore, e përfundova ekonomiste në thertore. Unë zgjodha të studioja për letërsi, por partia nuk e pranoi dhe më dërgoi në ekonomik. Por unë doja të studioja, po nuk doja atë që kërkonte partia,” tregon ajo.

LEXONI GJITHASHTU:

• “Më çuan në thertore”, Flutura Açka: Si komunizmi më ndaloi pasionin për letërsinë
• Jepen Çmimet Kombëtare të Letërsisë 2020, Flutura Açka fituese e prozës më të mirë